HE KA NE U LAVELAVE ʻILOA

Ko Kuini Mele ʻo ʻIngilaní (Kuini ʻo Siaosi V), naʻa ne manako lolotonga ʻa e faʻahitaʻu māfaná ke hiki ki Sikotilani ki honau ʻapi ai ʻoku hingoa ko Balmoral Castle. ʻOku pehē naʻa ne faʻa manako ke fononga toko taha pē ʻo laulau maile ʻo ʻikai haʻane fakafeʻao. Ko e efiafi ʻe taha lolotonga ʻene fakahāuē, naʻe tō taʻeʻamanekina ha fuʻu ʻuha, ko ia naʻa ne afe ki ha fale naʻe ofi mai ai ke kole ha fakamalu kae toki fakafoki.

Naʻe ʻikai ke fakatokangaʻi ʻe he fefine ʻo e falé ko Kuini Mele ia ʻoku tuʻu ʻi hono tuʻa matapā ʻo kole fakamalú. Naʻe ʻikai ke ne fie ʻoange ki he fefine kuo ʻuheiná hono fakamalu naʻe fuʻu foʻou, ka ne ʻomi pē hano fuʻu fakamalu motuʻa kuo motumotu hano ʻū kahoki pea kuo avaava. Naʻane kole fakamolemole ange ki he fefine naʻe tuʻu ʻi tuʻá ʻo ne ʻoange ki ai ʻa e fakamalú.

ʻI he ʻaho naʻe hokó, naʻe fai mai ha tukituki kei pongipongi ʻi he matapā ʻo e fefine naʻe ʻoʻona ʻa e fakamalú. ʻI he ʻene fakaava ʻa e matapaā, tā naʻe tuʻu ai ha tangata kaʻate kuo teuteu kakato pea ʻoku ne toʻo ha sila lōloa. Naʻe punou ʻa e kaʻaté ki he fefiné, mo ne pehē ki ai: "ʻOku fakamālō lahi mai ʻa e Kuiní kiate koe koeʻuhí ko ʻene ngāueʻaki ho fakamalú ʻaneafí."

Naʻe moʻutuʻua ʻa e fefiné he kuo moʻutāfuʻua, ʻo ne toki fākafoa. ʻI he situʻa atu ʻa e tangata kaʻaté ke ne fokí, naʻane fanongo mai ki he toutou pehē ʻe he fefiné: "He ka ne u teitei lavelaveʻiloa ko e Kuiní ia, pehē ne u ʻoange hoku lelei tahá!"